"BMT mənzil problemi barədə dəstək göstərməyə hazırdır".
Oxu.Az xəbər verir ki, bunu Barbadosda Birləşmiş Millətlər Təşkilatının Rezident Koordinatoru Simon Springett Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Qadınların Dəyirmi Masası: Gender bərabərliyi və qadınların gücləndirilməsi üçün adekvat mənzil təminatı" mövzusunda çıxışı zamanı deyib.
Onun sözlərinə görə, qadınların başçılıq etdiyi ev təsərrüfatlarının sayı kifayət qədər çoxdur:
"Mənzil problemi ilə üzləşən insanların əksəriyyətini də qadınlar təşkil edir. BMT bu istiqamətdə bir neçə sahədə dəstək göstərə bilər. Bunlardan biri gender statistikasının inkişaf etdirilməsidir. Digər istiqamətlər isə investisiyaların cəlb olunması, təhlükəsizlik və iqlim risklərinin nəzərə alınmasıdır".
S.Springettun fikirlərinə əsasən, elə siyasətlər formalaşdırılmalıdır ki, mövcud reallıqlara uyğun olsun:
"Bunun üçün etibarlı sübutlar və məlumatlar əldə edilməli, məlumatlardan istifadənin təşviqinə xüsusi diqqət yetirilməlidir. BMT məlumat sistemlərinin təkmilləşdirilməsi, eləcə də yaşayış yerlərində təhlükəsizliyin təmin olunması istiqamətində dəstək verə bilər".
