Məlum olduğu kimi, BMT-nin iqlim dəyişmələri üzrə çərçivə konvensiyasının tərəflər konfransının əsas müzakirələrindən biri olan Bonn görüşləri artıq başlayıb.
Görüşlər Bonn şəhərindəki Dünya Konfrans Mərkəzində keçirilir. Bu görüşlərin "Kiçik COP" adlandırılması heç də təsadüfi deyil.
Səbəb isə budur ki, bu ilin noyabrında Braziliyada keçiriləcək COP30-un bütün gündəliyi və əsas qərarların ilkin variantı məhz Bonn görüşlərində müəyyənləşəcək.
Bonn görüşlərinin digər əhəmiyyəti ondan ibarətdir ki, Azərbaycan COP29-un sədri kimi bu görüşlərdə iştirak edir və demək olar ki, hər gün keçirilən görüşlərdə iştirak edərək COP təcrübələrini bölüşür.
Bildirək ki, Bonn görüşlərində Azərbaycan Prezidentinin iqlim məsələləri üzrə nümayəndəsi və COP29-un prezidenti Muxtar Babayev, xarici işlər nazirinin müavini, COP29-un baş danışıqcısı Yalçın Rəfiyev, COP29-un iqlim çempionu Nigar Arpadarai və digər nümayəndələr iştirak edirlər.
Qeyd edək ki, Bonn görüşlərində COP-un 198 tərəfi olan ölkə, təşkilat, icma və qruplar iştirak edir.
Daha ətraflı Baku TV-nin videomaterialında:
