Ceyhun Bayramov: "Bakı Limanının aparıcı logistika mərkəzinə çevrilməsi istiqamətində işlər görülür"

"Yaşıl Limanlar" konsepsiyası ATƏT çərçivəsində həyata keçirilən layihələrdən biridir və əlaqələrin qurulmasına xidmət edir".

Bunu Azərbaycanın xarici işlər naziri Ceyhun Bayramov ATƏT-in baş katibi Feridun Sinirlioğlu ilə keçirilən birgə mətbuat konfransında Oxu.Az-ın sualına cavab olaraq jurnalistlərə açıqlamasında deyib.

O bildirib ki, Avropa və Asiyanın strateji qovşağında, Çin, Türkiyə, İran və Rusiya kimi böyük bazarların kəsişməsində yerləşən Bakı Limanının Avrasiyanın aparıcı logistika və ticarət mərkəzinə çevrilməsi istiqamətində tədbirlər görülür:

"Bu çərçivədə, həmçinin "Yaşıl Liman" konsepsiyasının tətbiq edilməsi istiqamətində işlər aparılır. Bakı Ticarət Limanı bu gün xüsusi əhəmiyyətə malikdir. Yaxın illərdə limanın ötürücülük qabiliyyəti 15 milyon tondan 25 milyon tona çatdırılacaq".

Ceyhun Bayramov: "Bakı Limanının aparıcı logistika mərkəzinə çevrilməsi istiqamətində işlər görülür"

Mərahim Nəsib