Ərdoğan: "Türkiyəsiz Avropanın təhlükəsizliyini düşünmək mümkün deyil"

"Türkiyə Cənubi Qafqaz regionunda səylərini artırıb".

Oxu.Az "Haber Global" telekanalına istinadla xəbər verir ki, bunu Türkiyə Prezidenti Rəcəb Tayyib Ərdoğan deyib.

Onun sözlərinə görə, rəsmi Ankara Ermənistan ilə münasibətlərin normallaşdırılması prosesini irəlilədir: "Eyni zamanda, Ermənistanla Azərbaycan arasında davamlı sülhün olmasını istəyirik".

R.T.Ərdoğan bildirib ki, Türkiyənin layiq olduğu yeri tutmadığı Avropanın qlobal aktor kimi varlığını davam etdirməsi getdikcə qeyri-mümkün hal alır: "Türkiyəsiz Avropanın təhlükəsizliyini düşünmək mümkün deyil".