Fransa səfiri Füzulidə mina partlayışında həlak olanlarla bağlı başsağlığı verib - FOTO

Fransanın Azərbaycandakı səfiri Zakari Qross Füzuli rayonunda mina partlayışı nəticəsində həyatını itirənlərlə bağlı kədərləndiyini bildirərək başsağlığı verib.

Bu barədə fransalı diplomat “Twitter” hesabında yazıb:

“Dünən Füzuli rayonunda mina partlayışı nəticəsində Əsədov Amid və Quluzadə Çərkəzin həlak olması xəbərindən kədərləndim”.

Xatırladaq ki, sentyabrın 30-u Füzuli rayonunun işğaldan azad edilmiş Yuxarı Dilağarda kəndi ərazisində minalardan təmizlənməmiş ərazidə mina partlayışı baş verib. Təhlükəli əraziyə qeyri-qanuni yolla daxil olma nəticəsində 1986-cı il təvəllüdlü Əsədov Amid Fətullah oğlu və 2007-ci il təvəllüdlü Quluzadə Çərkəz Bahadur oğlu həlak olub.

I am sad to hear of the death yesterday of Amid Asadov and Cherkez Guluzade, following the explosion of an anti-personnel mine in Fizuli region. RIP.#demining

— Zacharie Gross (@GrossZacharie) October 1, 2022