İtaliyanın Baş naziri Corcia Meloninin yaxın həftələrdə Azərbaycana rəsmi səfəri gözlənilir.
Oxu.Az "Euronews"a istinadən xəbər verir ki, səfərin məqsədi siyasi dialoqun gücləndirilməsi və enerji tərəfdaşlığının genişləndirilməsidir.
Məlumata görə, may-iyun aylarında baş tutması gözlənilən səfər - davam edən siyasi və iqtisadi əməkdaşlıq çərçivə sazişinin bir hissəsidir.
Qeyd olunub ki, enerji sahəsi Roma ilə Bakı arasında münasibətlərin əsas istiqamətlərindən biri hesab olunur. Azərbaycan təbii qazı İtaliyaya Trans-Adriatik boru kəməri (TAP) vasitəsilə ixrac edir. Bu boru kəməri Cənub Qaz Dəhlizi layihəsinin tərkib hissəsidir və Xəzər regionunu Avropa ilə birləşdirir.
