KTMT-nin keçmiş baş katibi: "Ermənistanın təşkilatda üzvlüyünü dayandırması böyük səhvdir"

"Ermənistanın Kollektiv Təhlükəsizlik Müqaviləsi Təşkilatında (KTMT) üzvlüyünü dayandırması çox böyük səhvdir, İrəvan həmişə Moskvadan və təşkilat üzvlərindən böyük yardım alıb".

Oxu.Az xəbər verir ki, bu fikirləri TASS-a müsahibəsində 2003-2016-cı illərdə KTMT-nin baş katibi olmuş Nikolay Bordyuja deyib.

"Ermənistanın siyasi rəhbərliyinin Rusiyadan heç bir yardımın almadıqlarını, demək olar ki, orada bütün bu çevrilişləri Rusiyanın hazırladığını, KTMT-dən heç bir kömək görmədiyini deməyi tamamilə yalandır", - o əlavə edib.

Sabiq baş katib qeyd edib ki, onun gözü qarşısında bunun əksi baş verib.

"Həm Ermənistanın silahlı qüvvələri, həm də Ermənistanın bütün güc strukturları Rusiyadan yardımlar - təşkilati, elmi-texniki yardım alıb. Rusiyanın Ermənistanın silahlı qüvvələrinə və ümumilikdə Ermənistana nə qədər sərmayə qoyduğunu hesablasanız, düşünürəm ki, bu, çox böyük məbləğ olacaq", - Bordyuja qeyd edib.

Xatırladaq ki, Ermənistan 2024-cü ilin fevralında KTMT-də iştirakını dayandırıb.