Rusiya Prezidenti Vladimir Putin və Ermənistan baş naziri Nikol Paşinyan son telefon danışığında respublikanın Kollektiv Təhlükəsizlik Müqaviləsi Təşkilatında (KTMT) iştirakının bərpası məsələsini müzakirə etməyiblər.
Oxu.Az-ın TASS-a istinadən verdiyi məlumata görə, bu barədə RF Prezidentinin mətbuat katibi Dmitri Peskov jurnalistlərə bildirib.
"Xeyr, prezidentlə baş nazirin son telefon danışığında bu mövzu müzakirə olunmayıb", - deyə Peskov müvafiq suala cavab olaraq qeyd edib. Putin və Paşinyanın son telefon danışığı yanvarın 17-də olub.
Həmçinin RF-nin baş naziri bildirib ki, Ermənistan hələ də KTMT-dən çıxmaq niyyətini bəyan etməyib.
Xatırladaq ki, Ermənistanın Xarici Kəşfiyyat Xidməti (XKX) öz hesabatında 2024-cü ildə İrəvanın KTMT-nin işində iştirakının dondurulmasına səbəb olan əsasların bu il aradan qalxmasını az ehtimal edib.
