Prezident: "Qarabağ və Şərqi Zəngəzur dünyanın ən inkişaf etmiş bölgələrindən birinə çevriləcək"

"Azad edilmiş torpaqlarda həyat bərpa olunur. Artıq 4 şəhər və 4 kənd bərpa edilib və keçmiş köçkünlər oraya qayıtmışlar".

AZƏRTAC xəbər verir ki, bu sözləri Prezident İlham Əliyev TÜRKPA-ya üzv ölkələrin parlament sədrləri ilə keçirilən görüşdə söyləyib.

Yeddi mindən çox keçmiş köçkünün artıq öz dədə-baba torpaqlarında yaşadığını, bu ilin sonuna qədər bu rəqəmin ən azı 20 minə çatacağını xatırladan dövlətimizin başçısı vurğulayıb ki, geniş quruculuq, abadlıq işləri aparılır və Qarabağ, Şərqi Zəngəzur dünyanın ən inkişaf etmiş bölgələrindən birinə çevriləcək.