Ağdam Uşaq Musiqi Məktəbinin 9 yaşlı şagirdi Əhəd Mehdi oğlu Ağayev Prezident İlham Əliyevlə görüş təəssüratlarını bölüşüb.
Oxu.Az Asan TV-yə istinadən xəbər verir ki, o, Ağdamda yeni istifadəyə verilmiş Muğam Mərkəzinin açılışı zamanı dövlət başçısının tədbirə qatılmasının və incəsənət xadimləri ilə bir araya gəlməsinin onun üçün böyük şərəf olduğunu bildirib.
"Bu günədək bir çox tədbirlərdə iştirak etmişəm, lakin bu dəvət çox fərqli idi. Cənab Prezident ifamızı bəyəndi və bizə səmimi davranışı bizi çox sevindirdi. Gələcəkdə tanınmış xanəndə olmaq, muğamımızı dünyaya tanıtmaq arzusundayam", - deyə gənc istedad qeyd edib.
Əhəd ona dəstək olan müəllimlərinə də təşəkkürünü bildirib.
