Prezident Rəcəb Tayyib Ərdoğanın sədrliyi ilə keçirilən Türkiyə Milli Təhlükəsizlik Şurasının iclası başa çatıb.
Oxu.Az TRT-yə istinadən xəbər verir ki, iki saat 45 dəqiqə davam edən iclasdan sonra yazılı açıqlama yayılıb.
Açıqlamada Türkiyənin terrora qarşı mübarizəsinə xüsusi diqqət yetirilib.
Sənəddə həmçinin Suriya və İraqdakı vəziyyət, Kipr məsələsi, Ukrayna münaqişəsi kimi mövzulara yer verilib.
Türkiyə Milli Təhlükəsizlik Şurasının iclasında Ermənistan-Azərbaycan normallaşma prosesi müzakirə olunacaq.
Bu barədə Oxu.Az Türkiyə KİV-ə istinadən bildirir.
Məlumata görə, Prezident Rəcəb Tayyib Ərdoğanın sədrliyi ilə keçiriləcək iclasın əsas mövzularından biri Azərbaycan və Ermənistan arasında münasibətlərin normallaşması olacaq.
Həmçinin Yunanıstanla münasibətlər, Şərqi Avropada və Yaxın Şərqdə davam edən müharibələr, terrorla mübarizə istiqamətləri üzrə də müzakirələr aparılacaq.
Suriya ilə münasibətlərin normallaşması məsələsi də gündəmdə duran məsələlərdəndir.