Zaxarova: "Ermənistanın təhlükəsizliyi üçün KTMT-dən başqa variant yoxdur"

"Ermənistanın təhlükəsizliyi üçün KTMT-dən başqa variant yoxdur".

Oxu.Az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə News.ru saytının əməkdaşının verdiyi suala cavab verərkən deyib.

M.Zaxarova vurğulayıb ki, Ermənistanın Kollektiv Təhlükəsizlik Müqaviləsi Təşkilatının (KTMT) tədbirlərində iştirakına gəlincə, İrəvanın təşkilatla əməkdaşlığa qayıtması üçün qapılar açıqdır:

"Son nəticədə bu ölkənin sabitliyinin təminatçısı kimi KTMT və Rusiyanın alternativ yoxdur. Bu, illər yox, əsrlər boyu sınanmış, erməni xalqı tərəfindən yüksək qiymətləndirilmiş və Ermənistanın tarixində öz əksini tapmış məsələdir. Nəşr olunan hər hansı psevdodərslik bu yazılanları dəyişdirə bilməz".