Bakıda şagird məktəbin üçüncü mərtəbəsindən yerə düşdü - İntihar edib?

Bakıda 162 nömrəli məktəbdə şagird məktəb binasının üçüncü mərtəbəsindən yerə düşüb. 

Oxu.Az xəbər verir ki, səkkizinci sinif şagirdinin intihara cəhd etdiyi iddia olunur. 

İlkin məlumata görə, hadisəyə səbəb məktəblinin ailəsində yaşanan problemlərdir.

Məsələ ilə bağlı məktəbdən saytımıza verilən məlumatda isə bunun bədbəxt hadisə olduğu bildirilib. Hadisə nəticəsində şagirdin ayağı sınıb. O, 1 saylı Şəhər Klinik Xəstəxanasına yerləşdirilib.

Hüquq-mühafizə orqanları tərəfindən hadisə ilə bağlı araşdırma aparılır.

Könül Cəfərli