50-yə yaxın insanı öldürən rusiyalı manyakdan etiraf

Rusiyada "Bitsa manyakı" kimi tanınan qatil Aleksandr Piçuşkin Moskvanın Şimali Butovo rayonunda daha 11 kişi və qadını qətlə yetirdiyi barədə etiraf etməyə hazırdır.

Oxu.Az kommersant.ru-ya istinadən xəbər verir ki, bu barədə Rusiyanın Federal Penitensiar Xidməti məlumat verib.

Aleksandr Piçuşkin 17 ildir ki, cəzaçəkmə müəssisəsində ömürlük cəza çəkir.

O, Moskvadakı Bitsa parkında ən azı 49 qətl törədib. Cinayətkar birinci dəfə 1992-ci ildə insan öldürüb, 2001-2006-cı illərdə daha 48 qətl törədib. 2007-ci ildə o, xüsusi rejimli cəzaçəkmə müəssisəsində ömürlük həbs cəzasına məhkum edilib. Məhkəmədə o, törətdiyi əməldən peşman olmadığını bildirib və 60 qətl törətdiyini iddia edib.