Məktəbəhazırlıq qrupları üzrə qəbul onlayn keçiriləcək - RƏSMİ

“Ümumtəhsil məktəblərinin digər dillərdə məktəbəhazırlıq qruplarında təhsil alan uşaqların əksəriyyətinin müsahibələri keçirilib”.

Oxu.Az-ın məlumatına görə, bunu Nazirlər Kabineti yanında operativ qərargahın KİV nümayəndələri üçün keçirdiyi brifinqdə Təhsil nazirinin müavini Məhəbbət Vəliyeva bildirib.

O qeyd edib ki, yaranmış vəziyyətə görə ölkə üzrə 300-ə yaxın uşaq müsahibə mərhələsindən keçməyib.

Onun sözlərinə görə, 300-dək məktəbəhazırlıq üzrə təhsil alan uşağın müsahibəsinin həyata keçirilməsinə şərait yaradılacaq:

“Səkkiz min uşağın müsahibələrini onlayn platforma üzərindən keçirməyi nəzərdə tuturuq. Hökumətin qəbul edəcəyi qərarlardan asılı olaraq, rus bölməsi üzrə I sinifə qəbul olunacaq uşaqların müsahibələrinin canlı formada keçirilməsi də müzakirə edilir”.

İlhamə Əbülfət