Dek
2023
12:56
17
31
657
Virtual karabakh

ABŞ-dən olan basketbolçu: “Azərbaycan çempionatında əla oyunçular var”

5 Dek, 2023
12:56
657

ABŞ-dən olan basketbolçu: “Azərbaycan çempionatında əla oyunçular var”

Bizim WhatsApp kanalımıza buradan abunə ola bilərsiniz

“Çempionatda bir neçə güclü komanda və əla basketbolçular var”.

Bunu Azərbaycan Basketbol Liqasında çıxış edən “NTD-İndiqo”nun oyunçusu Brendon Votkins klubun mətbuat xidmətinə müsahibəsində deyib.

28 yaşlı basketbolçu çempionata yaxşı legionerlərin gəldiyini bildirib: “Həm də keyfiyyətli yerli oyunçular görürəm. Ehtiyat oyunçular skamyası çox geniş olan klublar da mövcuddur. Bütün diqqətimi komandama yönəltmişəm. Altı oyun keçirmişik. Liqanın səviyyəsi olduqca yaxşıdır. Hər matçda qalib gəlmək istəyirik. Mən də “NTD-İndiqo”nun heyətində çempion olmaq niyyətindəyəm. Heç kim ambisiyasız oynamaq istəmir. Yaxşı kollektivimiz var və düşünürəm ki, bu çempionluq olduqca realdır”.

ABŞ-dən olan oyunçu son turda “Sərhədçi”ni məğlub etmələrinə toxunub: “Başa düşürdük ki, bu oyunda yalnız qələbə qazanmalıyıq. Matça yaxşı başladıq, amma sonra rəqibə bizə çatmaq imkanı verdik. Məşqlərdə çalışmalı olduğumuz məqamlar var. Komanda qələbə qazana bildi və bu ən vacib şeydir”.

Brendon Votkins sıx qrafikdə çıxış etmələrinə də münasibət bildirib: “Bu oyuna təsir edir. Matç boyunca yüksək tempdə oynamaq çətindir. Çərşənbə günü “Sabah”a qarşı ağır oyun keçirdik. Və artıq şənbə günü yenidən meydançaya çıxdıq. Şadam ki, “Sərhədçi” üzərində qələbə qazana bildik. Qələbə qazanmaq çox vacib idi”.

Basketbolçu növbəti turda üz-üz gələcəkləri “Neftçi” ilə görüş haqqında da danışıb: “Bu mövsüm “Neftçi”nin oyunlarını izləmişəm. Hər oyun vacibdir. “Neftçi”yə qarşı görüş həm də ona görə vacibdir ki, onlar liderlər sırasındadırlar. Biz öz işimizi görməli və qələbə qazanmalıyıq”.

Bizimlə əlaqə saxlayın

Digər İdman xəbərləri