Milli komandamız Avropa Çempionatında Ermənistanla üz-üzə gələcək

18 yaşadək basketbolçu qızlardan ibarət Azərbaycan yığması Avropa çempionatının C divizionunda növbəti matçına çıxacaq.

Oxu.Az xəbər verir ki, millimiz Kosovonun paytaxtı Priştinada keçirilən yarışın qrup mərhələsinin son turunda Ermənistanla görüşəcək.

İlk iki turda qələbə qazanan yığmamız artıq yarımfinala vəsiqəni təmin edib. Türkiyəli mütəxəssis Evren Alkayanın rəhbərlik etdiyi komanda qrup mərhələsini 100 faizlik nəticə ilə bitirmək üçün autsayderi məğlub etməyə çalışacaq.

Qeyd edək ki, yarımfinal matçları iyulun 27-də keçiriləcək.

Avropa çempionatı, C divizionu

B qrupu

25 iyul

16:30. Ermənistan - Azərbaycan

Tetori İdman Zalı