Mar
2024
17:37
88
23
1243
Virtual karabakh

“Böyük Dəbilqə”: Azərbaycan cüdoçusu bürünc medal uğrunda görüşdə uduzub - YENİLƏNİB

2 Mar, 2024
17:37
1243

“Böyük Dəbilqə”: Azərbaycan cüdoçusu bürünc medal uğrunda görüşdə uduzub - YENİLƏNİB

Bizim WhatsApp kanalımıza buradan abunə ola bilərsiniz

Azərbaycan cüdoçusu Ömər Rəcəbli (81 kq) Özbəkistanın paytaxtı Daşkənddə keçirilən “Böyük Dəbilqə” turnirində medal qazana bilməyib.

Oxu.Az-ın məlumatına görə, 20 yaşlı idmançı bürünc mükafat uğrunda mübarizədə məğlub olub.

O, Ukrayna təmsilçisi Mixaylo Svidraka uduzub. Nəticədə Rəcəbli fəxri kürsüyə qalxmaq şansını itirib.

Bu gün tatamiyə çıxan Azərbaycan millisinin digər cüdoçuları İbrahim Əliyev, Nəriman Mirzəyev (hər ikisi 73 kq) və Aytac Qardaşxanlı (63 kq) da uğursuz nəticə göstəriblər.

Qeyd edək ki, reqlamentə əsasən, yarışın qalibi 1000, ikincisi 700, üçüncü yeri tutanlar isə 500 reytinq xalı qazanırlar.

14:53

Azərbaycan cüdoçusu Ömər Rəcəbli (81 kq) Özbəkistanın paytaxtı Daşkənddə keçirilən “Böyük Dəbilqə” turnirində bürünc medal uğrunda yarışacaq.

Oxu.Az xəbər verir ki, 20 yaşlı idmançı finala yüksələ bilməyib.

Ardıcıl dörd rəqibini üstələyən cüdoçu yarımfinalda Avstriya təmsilçisi Şamil Borçaşviliyə məğlub olub. O, bürünc medal uğrunda görüşdə Mixaylo Svidrakla (Ukrayna) qarşılaşacaq.

Bu gün tatamiyə çıxan Azərbaycan millisinin digər cüdoçuları İbrahim Əliyev, Nəriman Mirzəyev (hər ikisi 73 kq) və Aytac Qardaşxanlı (63 kq) uğursuz nəticə göstəriblər.

Qeyd edək ki, reqlamentə əsasən, yarışın qalibi 1 000, ikincisi 700, üçüncü yeri tutanlar isə 500 reytinq xalı qazanırlar.

Bizimlə əlaqə saxlayın

Digər İdman xəbərləri