30 ildən sonra şəxsiyyəti müəyyənləşdirilən şəhid Əliyar Ələkbərov dəfn edildi

Birinci Qarabağ müharibəsində itkin düşmüş, 30 ildən sonra şəxsiyyəti müəyyənləşdirilmiş şəhid Əliyar Ədalət oğlu Ələkbərov dəfn olunub.

Oxu.Az xəbər verir ki, şəhid Nizami rayonu, Keşlə qəsəbəsində yerləşən Şəhidlər xiyabanında dəfn edilib.

Qeyd edək ki, Əliyar Ələkbərov 1965-ci il fevral ayının 10-da Neftçala şəhərində anadan olub. O, Neftçala rayonunda orta məktəbi bitirdikdən sonra indiki Azərbaycan Neft və Sənaye Universitetinə qəbul olub. Ə.Ələkbərov 1993-cü ilin oktyabr ayının 29-da könüllü olaraq Qarabağda gedən döyüşlərə yollanıb. Döyüşlər zamanı Kəlbəcər rayonun Murovdağ istiqamətində mühasirəyə düşdüyü məlum olub. Həmin hadisədən sonra ailəsi ondan xəbər ala bilməyib.

13:39

Birinci Qarabağ müharibəsində itkin düşmüş və şəxsiyyəti müəyyənləşdirilən şəhid Əliyar Ədalət oğlu Ələkbərov ilə vida mərasimi başa çatıb.

Oxu.Az xəbər verir ki, şəhid dəfn olunmaq üçün Nizami rayonu Keşlə qəsəbəsində yerləşən Şəhidlər xiyabanına aparılıb.

13:39

Birinci Qarabağ müharibəsində itkin düşmüş sayılan və 30 ildən sonra şəxsiyyəti müəyyənləşdirilən şəhid Əliyar Ədalət oğlu Ələkbərov ilə vida mərasimi keçirilib.

Oxu.Az xəbər verir ki, vida mərasimində şəhidin ailə üzvləri, yaxınları iştirak ediblər.

Vida mərasimindən sonra şəhidin nəşi Nizami rayonu Keşlə qəsəbəsində yerləşən Şəhidlər xiyabanında dəfn olunacaq.

Qeyd edək ki, Ə.Ələkbərov Gəncədə Şəhidlər xiyabanında naməlum şəhid kimi dəfn olunmuşdu.

Nəzrin Vahid