Avtobuslarda kart sisteminə keçid: Yeddi il əvvəl başlayan proses hələ də bitməyib

2018-ci ildən paytaxtda marşrut avtobuslarının kart sisteminə keçidi başlasa da, hələ də ödənişi nağd şəkildə həyata keçirilən avtobuslar kifayət qədərdir.

Xezerxeber.az-ın məlumatına görə, hazırda marşrutların 36 faizi nağd ödənişlə fəaliyyət göstərir. Bəzi sərnişinlər isə bu fikirdədirlər ki, kartla ödəniş sisteminin olmaması onlar üçün çətinlik yaradır.

Sürücülərin bəziləri kart sisteminə keçidin tərəfdarı olsalar da, bəziləri deyir ki, bu sistemə keçid onları qane etmir.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, ümumilikdə paytaxtda 115 marşrut üzrə 1824 avtobusda nağdsız ödəniş edilməsi mümkündür.

Hazırda fəaliyyət göstərən marşrutların 64 faizində nağdsız ödəniş sistemi tətbiq olunur. Yerüstü Nəqliyyat Agentliyi tərəfindən sərnişin daşımalarını yerinə yetirən subyektlərdə gediş haqqının nağdsız ödənilməsini təmin edən ödəniş sisteminə keçidin sürətləndirilməsi ilə bağlı işlər davam etdirilir.

Ətraflı süjetdə:

Avtobuslarda kart sisteminə keçid: Yeddi il əvvəl başlayan proses hələ də bitməyib