Lökbatan qəsəbəsindən metronun "28 May" stansiyası istiqamətində hərəkət edən "BakuBus"a məxsus 125 saylı marşrut avtobusunun salonuna su damıb. Sərnişinlər avtobusdan su damması ilə bağlı görüntüləri çəkərək şikayətləniblər.
"BakuBus" MMC-dən Oxu.Az-ın sorğusuna cavabda bildirilib ki, bu gün qurumun istismarında olan 125 nömrəli müntəzəm marşrut xətti üzrə hərəkət edən avtobuslardan birinin soyutma sisteminin drenaj xəttində texniki nasazlıq yaranıb:
"Sürücü nasazlıq barədə monitorinq mərkəzinə məlumat verib. Məlumat əsasında monitorinq mərkəzi tərəfindən texniki servis əməkdaşları "28 May" nəqliyyat mübadilə mərkəzinə göndərilib və nasazlıq dərhal aradan qaldırılıb. Avtobusun fəaliyyəti qısa müddət ərzində bərpa olunub.
Baş vermiş müvəqqəti narahatlığa görə sərnişinlərdən üzr istəyirik".
