Azərbaycanda həkim çatışmazlığı var? - RƏSMİ

“Azərbaycanda həkim çatışmazlığından söhbət gedə bilməz. Ölkəmizin bütün səhiyyə müəssisələrində çalışan kifayət qədər həkimlər var”.

Oxu.Az-ın məlumatına görə, bunu Ümumdünya Səhiyyə Təşkilatının təşəbbüsü, Heydər Əliyev Fondu, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyinin (TƏBİB) və Səhiyyə Nazirliyinin dəstəyi ilə Azərbaycanın regionlarındakı xəstəxanalarda COVID-19-a qarşı mübarizə tədbirləri ilə əlaqədar əsas bacarıqları gücləndirmək üçün REACT-C19 layihəsi ilə bağlı keçirilən tədbirdə TƏBİB-in İdarə Heyətinin sədri Ramin Bayramlı bildirib.

O qeyd edib ki, təlimlər yerlərdə onlayn şəkildə davam etdirilir. 

“Sadəcə, dövlət hesabına təhsil almış həmvətənlərimizin gəlişi bu keyfiyyəti daha da artıracaq. Nəticədə, ən ağır ssenariyə hazırlıq prosesini yekunlaşdıracağıq. Bu gün bizdə olan çarpayı fondunun 30-40 faizini istifadə edirik”.

İlhamə Əbülfət