"Azərbaycanda miqrasiya sahəsində göstərilən xidmətlərin böyük hissəsi elektronlaşdırılıb".
Oxu.Az xəbər verir ki, bunu Dövlət Miqrasiya Xidmətinin məsul əməkdaşı Aygül Abbaszadə "Azərbaycanda miqrasiya idarəçiliyi, xidmətləri və miqrasiya tendensiyaları" mövzusunda keçirilən təqdimatda deyib.
Onun sözlərinə görə, hazırda miqrasiya sahəsində göstərilən 27 xidmət elektronlaşdırılıb.
A.Abbaszadə bildirib ki, qaçqınlarla bağlı prosedurlar isə elektronlaşdırılmayıb:
"Çünki bəzi qaçqınların, ümumiyyətlə, sənədi olmur, yaxud ölkəni qanunsuz tərk edir. Hətta oxumağı və yazmağı bilməyən qaçqınlar da var. Bu səbəbdən dünya təcrübəsində də miqrasiya sahəsində qaçqınlarla bağlı prosedurların elektronlaşdırılması özünü tam doğrultmur".
O əlavə edib ki, ASAN xidmət mərkəzlərində miqrasiya məsələləri ilə bağlı göstərilən 22 xidmətdən 16-sı ödənişsizdir.
