Bu gün metropoliteninin "İçərişəhər" - "Sahil" mənzilində "qırmızı xətt" üzrə hərəkət edən qatarda baş verən texniki nasazlıq bərpa olunub.
Oxu.Az xəbər verir ki, bu barədə "Bakı Metropoliteni" QSC məlumat yayıb.
Bildirilib ki, "yaşıl" və "qırmızı" xətlərdə intervallar qorunmaqla qatarların qrafik üzrə hərəkəti bərpa olunub, yubanmalar yoxdur.
Bakı metrosunda köməkçi qatarın cəlb olunması ilə nasaz qatar xətdən çıxarılıb və "Nərimanov" elektrik deposuna yola salınıb.
Oxu.Az xəbər verir ki, bu barədə "Bakı Metropoliteni" QSC məlumat yayıb.
Bildirilib ki, nasaz qatarın əvəzinə ehtiyat qatar xəttə buraxılıb:
"Hazırda "yaşıl" və "qırmızı xətlər"də intervalda 15 dəqiqəyədək yubanmalar müşahidə olunur. İntervallar qısa müddətdə bərpa olunacaq".
Bu gün saat 11:18-də Bakı metropoliteninin "İçərişəhər" - "Sahil" mənzilində "qırmızı xətt" üzrə hərəkət edən qatarda texniki nasazlıq qeydə alınıb.
Oxu.Az xəbər verir ki, bu barədə "Bakı Metropoliteni" QSC məlumat yayıb.
Texniki baxışın keçirilməsinə zərurət yarandığından normativ tələblərə uyğun olaraq sərnişinlər "Sahil" stansiyasında düşürülüb, qatar köməkçi qatar vasitəsilə xətdən çıxarılır. Bu səbəbdən hazırda "qırmızı" və "yaşıl xətlər"də qatarların hərəkətində gecikmələr var.
"Bənövşəyi xət"də və "Cəfər Cabbarlı" - "Xətai", "Həzi Aslanov" - "Əhmədli" mənzillərində qatarlar qrafik üzrə hərəkət edir.
Qeyd edək ki, fevralın 19-da və 20-də də Bakı metrosunda analoji problemlər müşahidə edilib.
