Ələt qəsəbəsi və Bakı Beynəlxalq Dəniz Ticarət Limanının yaxınlığında yeni hava limanının tikintisi davam edir.
Bu hava limanı digər limanlarından fərqlənəcək. Belə ki, burada əsasən yükdaşımalar həyata keçiriləcək.
Yeni hava limanı Orta Dəhliz və Zəngəzur dəhlizi vasitəsilə daşınan yüklərin daha operativ və çevik şəkildə təyinat məntəqələrinə çatdırılmasında mühüm rol oynayacaq.
Hava limanı yüksək dəyərli və sürətli göndərilmə tələb edən yüklərin qısa müddətdə ünvanına çatdırılmasını təmin edəcək.
Bununla yanaşı, o Ələt Azad İqtisadi Zonasında fəaliyyət göstərən müəssisələrin ixrac imkanlarının genişlənməsinə də töhfə verəcək.
Yeni hava limanı Azərbaycanın regional logistika mərkəzi kimi rəqabət qabiliyyətini artıracaq, həmçinin investorlar üçün əlavə infrastruktur üstünlükləri yaradacaq.
İlk yük hava limanının gələn il istismara verilməsi planlaşdırılır.
Oxu.Az Azərbaycan Televiziyasına (AzTV) istinadən yeni hava limanının tikintisindən görüntülər təqdim edib:
