Ən son xəbərləri bizim "X" səhifəmizdə izləyin

Bakıda "Tesla" qəzaya düşdü: Ölən var
"Xətai rayonu, 8 Noyabr prospektində baş verən yol-nəqliyyat hadisəsi 11 noyabr səhər saat 06:20-də qeydə alınıb".
Bu məlumatı Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli Oxu.Az-a açıqlamasında deyib.
"Hadisə "Chevrolet" markalı 77-NT-394 dövlət nömrə nişanlı avtomobillə Yüksəl Mahal oğlu Cəfərlinin idarə etdiyi "Tesla" markalı 20-BK-900 dövlət nömrə nişanlı avtomobilin toqquşması nəticəsində baş verib.
Nəticədə "Chevrolet" markalı nəqliyyat vasitəsinin sürücüsü Eşqin Manafov həyatını itirib", - deyə R.Əhmədli bildirib.
Əzizə İsmayılova
Bakı şəhəri, Xətai rayonu, 8 Noyabr prospektində yol-nəqliyyat hadisəsi baş verib.
Oxu.Az xəbər verir ki, bu barədə Fövqəladə Hallar Nazirliyi (FHN) məlumat yayıb.
Bildirilib ki, məlumatla əlaqədar FHN-in Bakı Regional Mərkəzinin müvafiq xilasetmə qüvvələri çağırış üzrə cəlb olunublar.
Əməliyyat şəraiti qiymətləndirilərkən müəyyən olunub ki, "Chevrolet" markalı minik avtomobili ilə "Tesla" markalı minik avtomobili toqquşub və 1 nəfər "Chevrolet" markalı minik avtomobilində sıxılmış vəziyyətdə qalıb.
Həyata keçirilən tədbirlər nəticəsində 1 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.
"Yol-nəqliyyat hadisəsi" teqi üzrə xəbərlər
- Gəncədə ağır qəza: Ata öldü, övladı yaralandı
- Bakı-Quba yolunun qəza səbəbilə bağlanan hissəsində avtomobillərin hərəkəti bərpa olunub
- Bakıda yük avtomobili ağır qəza törətdi - ANBAAN VİDEO
- Bakıda geriyə hərəkət edən avtomobillər qəzaya səbəb oldu - ANBAAN VİDEO
- Adanada ağır avtomobil qəzası: 5 ölü, 10 yaralı