Bakı şəhərinin Xətai rayonunda təhlükəli vəziyyət yaranıb.
Oxu.Az-ın əldə etdiyi məlumata görə, Şahin Səmədov küçəsində yağan intensiv yağışlardan sonra həyətin bir hissəsində torpaq çökməsi baş verib.
Nəticədə yaşayış evlərinin yaxınlığında iri çuxur əmələ gəlib.
Sakinlərin sözlərinə görə, ərazi hər an daha da çökə bilər və bu, evlər üçün ciddi təhlükə yaradır. Onlar bildirirlər ki, yaranmış vəziyyətlə bağlı aidiyyəti qurumlara məlumat versələr də, hələlik problemə müdaxilə olunmayıb.
Hazırda ərazidə risk davam edir və sakinlər mümkün faciənin qarşısının alınması üçün təcili tədbir görülməsini tələb edirlər.
