Sulutəpə qəsəbəsinin bir hissəsinə elektrik enerjisinin verilməsində niyə fasilə yaranıb?

Bakının Binəqədi rayonunun Sulutəpə qəsəbəsinin bir hissəsində elektrik enerjisinin verilməsində yaranan fasilənin səbəbi məlum olub.

Oxu.Az-a "Azərişıq"ASC-dən verilən məlumata görə, sözügedən ərazidən keçən yeraltı xətdə qəza baş verib və nəticədə elektrik enerjisinin verilməsinə fasilə yaranıb.

"Yeraltı xətdə baş verən qəzanın aradan qaldırılması üçün ərazidə müvafiq işlər aparılırdı. Artıq işlər yekunlaşıb və saat 12:00-dan etibarən əraziyə elektrik enerjisinin verilməsi tam təmin olunub", - deyə məlumatda vurğulanır.

Əzizə İsmayılova

10:40

Bakının Binəqədi rayonunun Sulutəpə qəsəbəsinin bir hissəsində saatlardır işıq yoxdur.

Bu barədə Oxu.Az-a qəsəbə sakinləri məlumat veriblər.

Bildirilib ki, "Azərişıq" ASC saat dekabrın 20-si 12:00-da Aşağı Sulutəpədə təmir işləri ilə əlaqədar elektrik enerjisinin verilişinin dayandırılacağını və 16:00-da yekunlaşacağını bildirsə də, gec saatlaradək qəsəbənin bəzi yerlərində işıq olmayıb. Bundan sonra isə gecə 3-dən elektrik verilişi dayandırılıb.

Sakinlər əlavə ediblər ki, qəsəbədə, demək olar ki, hər gün elektrik verilişində saatlarla fasilə yaranır.

Nərmin Muradova