Bərdə rayonunda cinsi zorakılığa məruz qalan yetkinlik yaşına çatmayan yeniyetmə və anası ilə psixoloji söhbət aparılıb.
Bu barədə Ailə, Qadın və Uşaq Problemləri üzrə Dövlət Komitəsindən məlumat verilib.
Qeyd olunub ki, zorakılıq faktı ilə bağlı Dövlət Komitəsi aidiyyəti qurumlarla əməkdaşlıq çərçivəsində müvafiq tədbirlər həyata keçirir. Bu məqsədlə Komitənin Ağdam Uşaq və Ailələrə Dəstək Mərkəzinin, həmçinin Bərdə Qadın Resurs Mərkəzinin əməkdaşları tərəfindən ailəyə səfərlər edilib. Bu gün isə azyaşlı və anası Bərdə Qadın Resurs Mərkəzinə dəvət olunub, onlarla psixoloji söhbət aparılıb.
Qeyd edək ki, azyaşlı psixo-sosial dəstək işinə cəlb edilib.
10:55
Bərdə rayonunda yetkinlik yaşına çatmayan qızın cinsi zorakılığa məruz qalmasına görə, anası günahkarların cəzalandırılmasını istəyir.
O bu barədə videomüraciət yayıb.
Ana qızına bu cür hərəkət edənlərin cəzasız qalmamasını istəyir:
“Hadisə olan zaman qızım hazırlıqdan gəlirdi. Mən özüm günü beş manata sahələrdə muzdlu işləyirəm ki, uşağımı böyüdüm. Mən uşaq böyütməmişəm ki, kimlərsə onu aparıb zorlasın. Xahiş edirəm ki, bu işdə günahkarlar öz cəzalarını alsınlar”.
Qeyd edək ki, Daxili İşlər Nazirliyinin Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı Oxu.Az-a bildirib ki, Bərdə rayonunda yeniyetmə qıza qarşı seksual xarakterli hərəkətlər edən üç nəfər barəsində məhkəmənin qərarı ilə həbs qətimkan tədbiri seçilib, bir nəfər yeniyetmə isə valideyn nəzarətinə verilib.
Xatırladaq ki, Bərdədə dörd nəfər 14 yaşlı qızla cinsi əlaqədə olub və videosunu çəkərək kənd sakinləri arasında yayıb.
Bərdə rayon sakinləri yetkinlik yaşına çatmayan şəxsə qarşı cinsi zorakılıq edənlərin Kətəlparaq kəndini tərk etmələrini tələb ediblər.
:640.jpg)
