Bir övladını itirən ana yardım diləyir: "Yağmuru da itirməyə ürəyim dözməz"

Beş yaşlı Yağmurun yardımsevər şəxslərin dəstəyinə ehtiyacı var.

Bu barədə Oxu.Az-a onun anası Səbinə Şirinova məlumat verib.

O bildirib ki, övladı ağır dərəcəli kifoz skaliozdan əziyyət çəkir.

"Yağmurun beş yaşı var. Artıq iki aydır bu ağır xəstəlikdən müalicə alırıq. Xəstəliyin müalicəsi baha olduğu üçün demək olar artıq çatdırmırıq. Biz Yağmura hazırda korset almalıyıq, bunun üçün isə 2 000 manata ehtiyacımız var".

Gənc ana digər övladını iki il öncə itirdiyini qeyd edib.

"Mənim Yağmurdan başqa bir övladım da var idi. İki yaşı olarkən onun leykozdan əziyyət çəkdiyini öyrəndik, uzun illər müalicə etsək də, övladımı həyatda saxlaya bilmədik. Onun müalicəsi zamanı evimizi və maşınımızı da satmışdıq. Övladımı itirəndən sonra uzun müddət özümə gələ bilmədim, elə bilirdim həyat mənim üçün bitib. Amma Yağmura görə yaşamağa davam etdim. Yağmura nəsə olsa, ağlımı itirərəm, yaşaya bilmərəm. Yardımsevər şəxslərdən bizə dəstək olmalarını xahiş edirəm".

Ailə ilə əlaqə: (077) 397-24-77.

Unibank: 5243 7544 4153 4102.