"Son dəqiqəyə qədər mübarizə aparacağam".
Bu sözləri Oxu.Az-a açıqlamasında Xalq artisti Ənvər Həsənovun qızı Aytən Həsənova deyib.
O bildirib ki, atasının səhhətində heç bir irəliləyiş yoxdur.
"Komatoz vəziyyətdədir. Sistemləri qoşulur, müalicəsi davam etdirilir. Sonuncu dəqiqəyə qədər mübarizə aparacağam".
Qeyd edək ki, Xalq artisti Ənvər Həsənov yanvarın 10-da saat 10:15-də halının pisləşməsi səbəbi ilə "Xəzər" Tibb Mərkəzinin Terapiya şöbəsinə hospitalizasiya olunub. Ona dəqiqləşdirilməmiş anemiya diaqnozu təyin edilib və ilkin zəruri tibbi xidmət göstərilib.
Yanvarın 17-də vəziyyətinin ağırlaşması səbəbi ilə pasiyent Reanimasiya şöbəsinə köçürülüb. Aparılan diaqnostik müayinələr nəticəsində ona kəskin işemik insult diaqnozu təyin olunub. Yanvarın 18-də vəziyyəti stabilləşən Xalq artisti tibb müəssisəsinin Nevrologiya şöbəsinə köçürülüb.
Fevralın 3-də isə "Xəzər" Tibb Mərkəzinin Reabilitasiya şöbəsindən evə buraxılıb. Fevralın 26-da aktyorun vəziyyəti yenidən kritikləşib.
Aygün Mirakif
