"Uşaqlığın sonuncu gecəsi kimi, onun həyat və yaradıcılığının sonuncu gününə yığışmışıq. Çox təəssüf ki, Ənvər bu gün aramızda yoxdur".
Bu sözləri Oxu.Az-a açıqlamasında kinorejissor, aktyor Cahangir Mehdiyev xalq artisti Ənvər Həsənovun 40 mərasimində deyib.
O bildirib ki, Ənvər Həsənov həm sənətkar kimi yaxşı sənətkar, həm də yaxşı təşkilatçı idi:
"Mən onu 1968-ci ildən tanıyırdım. Universitetdə oxuduğum illərdə tələbə yoldaşı kimi onu tanımışam. Hələ tələbəlik illərindən, o, zahirən yaraşıqlı gənc, həm də tələbə kimi aktiv bir insan idi.
Ənvər Həsənovla "Uşaqlığın son gecəsi" filmində də görüşmüşəm. O, baş rolda çəkiləndə mən də epizodik obraz kimi çəkilmişəm. Mən o vaxt bilirdim ki, Ənvər hamının sevimlisi olacaq.
Yaxşı insan olmaqla yanaşı, bacarıqlı aktyor idi. Təəssüf olsun ki, bu gün biz onun sonuncu görüşünə toplanmışıq".
Aygün Mirakif
