Ermənilərə əsir düşən azərbaycanlının qardaşı danışdı

Ermənistan silahlı qüvvələrinə əsir düşən Tərtərin Qapanlı kənd sakini 1968-ci il təvəllüdlü Quliyev Şahbaz Cəlal oğlunun əvvəllər də bir neçə dəfə işğal altındakı torpaqlara getdiyi bildirilir. Bir müddət əvvəl Şahbaz Quliyev Kəlbəcərə gedərək orada video çəkilişlər aparıb.    

Oxu.Az-ın məlumatına görə, Ş.Quliyevin böyük qardaşı İlham Quliyev Teleqraf.com-a bildirib ki, onun əsir düşməsindən xəbərsizdir. Sumqayıtda yaşayan İ.Quliyev qardaşının hərbçi olmadığını deyib:

“O, daha əvvəl də Kəlbəcərə gedib. Neçə dəfə demişik ki, həyatını təhlükəyə atma. Xeyri olmadı. Çox narahatıq”.    

İ.Quliyev həmçinin bildirdi ki, əsir düşən qardaşı ailəlidir, bir qızı var:

“İyunun 18-dən sonra ondan xəbərimiz yoxdur. O, Qarabağa tək getmirdi”.

www.oxu.az