"Dövlətimizin diqqəti-qayğısı sayəsində geridə qalan illərdə çətinlik görmədik".
Oxu.Az xəbər verir ki, bu sözləri Xocavəndin Güneyxırman kəndinə qayıdan keçmiş məcburi köçkün Əhsən Abdullayev deyib.
O bu günə görə Prezidentə təşəkkür edib:
"Dövlətimizin qayğısı sayəsində bu illər ərzində çətinliklərin öhdəsindən gəldik. İndi də hökumətimiz azad olunmuş əraziləri yenidən qurur. Vətənimizə qayıtdığımız üçün sevincliyəm. Allah şəhidlərimizə rəhmət eləsin, qazilərimizə, ordumuza cansağlığı versin. Millətimiz, dövlətimiz bir də müharibə görməsinlər, sülh olsun. Ora köçdükdən sonra bizi işlə təmin edəcəklər. Sonda bir daha Prezident İlham Əliyevi, həmçinin ordumuzu Allah qorusun, şəhidlərimizə Allah rəhmət eləsin".
Qaynar xətt:
(055) 224 12 12
