Neft Emalı Zavodundakı baş verən yanğın söndürülüb: Xəsarət alan yoxdur

Paytaxtın Nizami rayonu ərazisində yerləşən Neft Emalı Zavodunda baş verən yanğın söndürülüb.

Bu barədə Oxu.Az-a Fövqəladə Hallar Nazirliyindən (FHN) məlumat verilib.

Bildirilib ki, yanğından mühafizə bölmələrinin çevik müdaxiləsi sayəsində yanğın genişlənməsinə imkan verilmədən qısa müddətdə söndürülüb.

"SOCAR Downstream Management" MMC-dən isə bildirilib ki, Azərbaycan Dövlət Neft Şirkətinin (SOCAR) Neft Emalı Zavodunda qeydə alınan yanğın hadisəsi nəticəsində xəsarət alan yoxdur.

Neft Emalı Zavodundakı baş verən yanğın söndürülüb: Xəsarət alan yoxdur

12:57

Bakının Nizami rayonu ərazisində yerləşən Neft Emalı Zavodunda baş verən yanğının söndürülməsinə iki yanğınsöndürən helikopter cəlb olunub.

Bu barədə "Report" xəbər yayıb.

12:06

Heydər Əliyev adına Neft Emalı Zavodunda yanğın başlayıb.

Fövqəladə Hallar Nazirliyindən (FHN) Oxu.Az-a bildirilib ki, qurumun "112" qaynar telefon xəttinə paytaxtın Nizami rayonu ərazisində yerləşən Neft Emalı Zavodunda yanğın baş verməsi barədə məlumat daxil olub.

Məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.

11:57

Heydər Əliyev adına Neft Emalı Zavodunda yanğın başlayıb.

Oxu.Az xəbər verir ki, əraziyə yanğınsöndürənlər cəlb olunublar.

Neft Emalı Zavodundakı baş verən yanğın söndürülüb: Xəsarət alan yoxdur