Məşhur “Əsgər marşı”nın necə yaranması ilə bağlı Laçın alayının keçmiş komandiri Arif Paşa danışıb.
Oxu.Az Qarabağ media-ya istinadən bildirir ki, komandir marşın Laçın batalyonunun təşəbbüsü ilə yarandığını deyib: ““Laçın batalyonunun marşı”nı 1992-ci il fevralin ikinci ongünlüyündə "Türk əsgərinin not kitabi" adli kitabçada olan "Alay marsı”na istinadən hazırlamışdım. “Əsgər marşı”na gəlincə, həmin ilin fevralında tanınmış bəstəkar Cavanşir Quliyev də daxil olmaqla bir qrup incəsənət xadimi Laçına gələrək əsgərləri ziyarət etdi. Əsgərlər “Laçın batalyonunun marşı”nı ifa etdilər. Marşın sözləri bəstəkarın xoşuna gəldi. 811 saylı hərbi hissənin rota komandiri Əhliyyət Süleymanov marşın sözlərini yazaraq Cavanşir Quliyevə təqdim etdi. Bundan sonra indiki məşhur əsgər marşı Cavanşir Quliyevin bəstəsində oxunmağa başladı”.
L.Ə.
www.oxu.az
Rəylər