"Paylayıcı Şəbəkələrin Gənc Mütəxəssislərinin Peşə Ustalığı" yarışının ilk gününün qalibləri açıqlandı

Ümummilli lider Heydər Əliyevin 102-ci ildönümünə həsr olunmuş "Paylayıcı Şəbəkələrin Gənc Mütəxəssislərinin Peşə Ustalığı" yarışı ilk gününün qalibləri açıqlanıb.

Oxu.Az-ın Ağdama ezam olunmuş müxbiri xəbər verir ki, yarışın ilk günündə hər komandada 8 nəfər olmaqla ümumilikdə 13 komanda mübarizə aparıb.

Münsiflər heyətinin qərarı ilə birinci yerə "Aran", ikinci yerə "Şimal-Qərb", üçüncü yerə isə "Odlar yurdu" komandası layiq görülüb. İlk üç yeri tutan komandalara mükafatlar təqdim olub.

Qeyd edək ki, müsabiqənin ikinci günü sabah Hadrutda keçiriləcək.

Aygün Mirakif

12:06

Ümummilli lider Heydər Əliyevin 102-ci ildönümünə həsr olunmuş "Paylayıcı Şəbəkələrin Gənc Mütəxəssislərinin Peşə Ustalığı" yarışı ilk günündə Ağdam Regional Rəqəmsal İdarəetmə Mərkəzi və Təlim Tədris Kompleksində start götürüb.

Oxu.Az xəbər verir ki, ümumilikdə 13 komanda Azərbaycanın müxtəlif regionlarını təmsil etmək üçün yarışda iştirak edir.

Bakı şəhərini təmsil edən "Qız Qalası", "Şirvanşahlar" və "Odlar Yurdu", habelə ölkəmizin müxtəlif regionlarından gələn "Naxçıvan", "Aran", "Şimal-Qərb", "Qərb", "Mərkəzi-Aran", "Şirvan", "Xaçmaz", "Sumqayıt", "Qarabağ", "Cənub" komandaları burada iştirak edir.

İştirakçı komandalara ünvanlanan suallardan 10-u elektroenergetika ilə bağlı açıq tipli (uzun cavab tələb edən) suallardır.

Digər qapalı tipli (cavabı variantlar arasında təqdim edilən) sualdan 25-i isə "Azərişıq" ASC-ni tətbiq etdiyi innovativ texnologiyalarla əlaqədar olacaq.

Qeyd edək ki, yarışın ikinci hissəsi mayın 23-də keçiriləcək.

Aygün Mirakif