Qəbələdən Əbu-Dabiyə 24 dollara aviabilet təklif olunur

Ultra aşağıbüdcəli (loukost) aviadaşıyıcı "Wizz Air" Qəbələdən Əbu-Dabi şəhərinə aviabiletlərin qiymətini 24 dollara qədər endirib.

Oxu.Az xəbər verir ki, həftədə üç dəfə - çərşənbə axşamı, cümə axşamı və şənbə günləri - gerçəkləşdiriləcək reyslərə biletin qiyməti 23.99 ABŞ dollarına qədər endirilib.

Xatırladaq ki, iki ay öncə Birləşmiş Ərəb Əmirliklərinin (BƏƏ) milli ultra aşağıbüdcəli (loukost) aviadaşıyıcısı "Wizz Air Abu Dhabi"nin iyunun 19-dan etibarən Azərbaycanın Qəbələ şəhərindən Əbu-Dabiyə uçuşlar həyata keçirəcəyi barədə məlumat yayılmışdı. Həmin vaxt biletlərin qiymətinin 45.99 ABŞ dollarından başladığı, aviabiletlərin satışının wizzair.com və aviaşirkətin mobil tətbiqində açıq olduğu bildirilmişdi.

Aytac Qasımova