Londondan Sofiyaya uçan "Wizz Air" aviaşirkətinə məxsus təyyarə bomba təhlükəsi səbəbindən Budapeştdə təcili eniş edib.
Oxu.Az xəbər verir ki, bu barədə Macarıstanın müdafiə naziri Romulus Rusin-Sendi özünün "Facebook" səhifəsində məlumat verib.
Nazirin sözlərinə görə, təyyarənin göyərtəsində bomba təhlükəsi ilə bağlı siqnal daxil olduqdan sonra ekipaj uçuş marşrutunu dəyişərək Budapeştin Ferents List adına Beynəlxalq Hava Limanına eniş etmək üçün icazə istəyib.
"Londondan Sofiyaya uçan "Wizz Air" aviaşirkətinin təyyarəsinin göyərtəsində bomba təhlükəsi yaranıb. Bununla əlaqədar ekipaj uçuş marşrutunu dəyişib və Budapeştin Ferents List adına Beynəlxalq Hava Limanına eniş etmək üçün icazə istəyib", - deyə nazir bildirib.
O qeyd edib ki, təhlükə siqnalından sonra NATO-nun hava hücumundan müdafiə sisteminin əmri ilə növbətçi qüvvələr havaya qaldırılıb. Macarıstan Silahlı Qüvvələrinə məxsus qırıcı təyyarə sərnişin təyyarəsini Budapeştdə təhlükəsiz eniş edənədək müşayiət edib.
Tapşırıq başa çatdıqdan sonra qırıcı təyyarə Keçkemetdəki bazasına qayıdıb. Hadisə ilə bağlı polis əlavə tədbirlər görür.
