Rusiya-Ukrayna müharibəsində daha bir azərbaycanəsilli şəxs öldü

Rusiya və Ukrayna arasında hazırda davam edən müharibədə daha bir azərbaycanəsilli şəxs həlak olub.

"Qafqazinfo"nun məlumatına görə, əslən Lənkəranın Separadi kəndindən olan həmyerlimiz Zöhrab Əbülhəsən oğlu Əzimov Rusiyanın Belqorod şəhəri istiqamətində gedən döyüşlərdə aldığı güllə yarasından ölüb.

Qeyd edək ki, Rusiya vətəndaşı olan 52 yaşlı Z.Əzimov bir neçə ay bundan əvvəl döyüşlərə qatılmışdı, ailəli idi.

Xatırladaq ki, daha əvvəl Rusiya ordusunun tərkibində döyüşlərə qatılan Lənkəranın Mamusta kəndindən olan 1984-cü il təvəllüdlü Şahmar Ataman oğlu Hüseynov həlak olub.