Ağdaş-Qaradeyin yolunda baş verən dəhşətli qəzada ölən və yaralananların adları məlum olub.
Oxu.Az xəbər verir ki, Yevlax rayon Mərkəzi xəstəxanasının baş həkimi İlhamil Quliyevin ANS PRESS-ə verdiyi məlumata görə, ölən və xəsarət alan şəxslərin əksəriyyəti qohum olub.
Xəsarət alanlar bunlardır: Ağstafa rayon Qırlı kənd sakinləri: 1985-ci il təvəllüdlü Məsiyev Səxavət İlyas oğlu, 1993-ci il təvəllüdlü Məsiyev Şükanə İlyas qızı, 2013-cü il təvəllüdlü Məsiyev Xanım Səxavət qızı, 2014-cü il təvəllüdlü Məsiyev İbrahim Səxavət oğlu, Ucar rayonu Məlikballı kənd sakini, 1996-cı il təvəllüdlü Nuriyev Aqil Həşim oğlu, Qazax rayon sakini, 1968-ci il təvəllüdlü Quliyeva Zemfira İdris qızı, Ağstafa rayon sakini, 1990-cı il təvəllüdlü Əliyev Vahid Zahid oğlu.
İ.Quliyevin sözlərinə görə, hazırda yaralıların vəziyyəti normaldır.
Ağstafa rayon Qırlı kənd sakini, 2012-ci il təvəllüdlü Məsiyeva Fəridə Səxavət qızı hadisə yerindəcə dünyasını dəyişib. Ondan başqa bir qadın və bir kişi ölüb. Onların cəsədləri birbaşa morqa aparıldığına görə adları hələlik məlum deyil. Ehtimal olunur ki, ölən kişi və qadın Məsiyeva Fəridə Səxavət qızının valideynləridir.
16:02
Bu gün Ağdaş-Qaravəlli yolunda dəhşətli yol qəzası baş verib.
Oxu.Az xəbər verir ki, Ağdaş Rayon Polis İdarəsindən ANS PRESS-ə verilən məlumata görə, məzunlar olan avtomaşın qəzaya düşüb.
Baş Dövlət Yol Polisi İdarəsindən (BDYPİ) verilən məlumata görə, ilkin məlumata görə qəza zamanı 3 nəfər ölüb, 5 nəfər isə ağır bədən xəsarətləri alıb.
Yaralanan şəxslərin Yevlax rayon xəstəxanasına çatdırıldığı bildirilir.
