Ölkənin üçüncü böyük şəhərinin bir hissəsində suyun verilişində fasilə yarancaq

Sumqayıt şəhərində suyun verilişində fasilələr yaranacaq.

Oxu.Az xəbər verir ki, bu barədə "Azərsu" ASC-nin Sumqayıt Sukanal İdarəsindən bildirilib.

Qeyd olunub ki, Sumqayıt şəhərinin bir hissəsini içməli su ilə təmin edən 450 mm diametrli su kəmərində baş vermiş qəza ilə əlaqədar olaraq, mayın 24-ü saat 9:00-dan 22:00-a qədər kəmərin su ilə təmin etdiyi Kotec qəsəbəsi, Kimyaçılar qəsəbəsi, 26-cı məhəllə, Xəzər bağları, 7-8-12-ci məhəllələrin bir hissəsinə suyun verilişində fasilə yaranacaq.

Xatırladaq ki, Sumqayıt ərazisinə görə ölkənin üçüncü, əhali sayına görə ikinci böyük şəhəridir.