Vəngli sakini: "Ermənilər bizi kəndimizdəki qədim abidələrə yaxın buraxmırdılar"

"Ermənilər azərbaycanlıları kənddəki qədim abidələrə yaxın buraxmırdılar".

Oxu.Az xəbər verir ki, bunu "Report"a açıqlamasında Ağdərə rayonu Vəngli kəndinin sakini Bayram Quliyev deyib.

O, Vəngli kəndinin zəngin tarixə malik olduğunu vurğulayıb:

"Kəndimizdə tarixi abidələr çoxdur. Hələ uşaqlıqdan o abidələrə çox maraq göstərirdik. Amma o vaxtlar ermənilər bizə o abidələrin nəinki içərisinə daxil olmağa, heç yaxınına getməyə də imkan vermirdilər. Çox şükür, uzun illərdən sonra doğma yurda qayıdırıq. Orada həyatı yenidən canlandırmaqla yanaşı, Vənglinin qədim tarixini də övladlarımıza tanıdacağıq".