"Zəkaların mübarizəsi" olimpiadasının üstün cəhəti açıqlandı

"Zəkaların mübarizəsi" olimpiadasının digər yarışlardan fərqi ondan ibarətdir ki, burada şagirdlər təkcə şahmat üzrə deyil, eyni zamanda riyaziyyat, mədəniyyət, incəsənət, təbiət elmləri və digər sahələr üzrə bilik və bacarıqlarını nümayiş etdirirlər".

Oxu.Az xəbər verir ki, bunu Təhsil İnstitutunun direktor müavini, "Zəkaların mübarizəsi" olimpiadasının layihə koordinatoru Fuad Qarayev deyib.

O bildirib ki, bu olimpiada Heydər Əliyev Fondu və Təhsil İnstitutunun birgə təşkilatçılığı ilə təşkil olunub:

"Olimpiada iki mərhələdən ibarətdir. Regional mərhələdə qalib gələn məktəblilər artıq final mərhələsində iştirak edirlər. Bu günün sonunda həm şahmat, həm də elm yarışları üzrə qaliblər müəyyən olunacaq. Yaxın günlərdə qaliblərin mükafatlandırılması həyata keçiriləcək. Bu olimpiadanın üstün cəhətlərindən biri də odur ki, burada şagirdlər fərdi deyil, komanda şəklində yarışırlar".

Daha çox foto burada: PhotoStock.az

Aygün Mirakif