"Aqro-Vest DC" MMC şəhid ailələrinə Novruz sovqatı paylayıb

Novruz bayramı münasibətilə "Aqro-Vest DC" MMC 100-dən çox şəhid ailəsinə bayram sovqatı paylayıb.

Şirkət əməkdaşları Novruz bayramı öncəsi II Qarabağ müharibəsi şəhidlərinin ailələrini ziyarət edib, onlara bayram münasibətilə təbriklərini çatdırıblar.

Əməkdaşlar göstərilən diqqətin torpaqlarımız uğrunda canından keçmiş şəhidlərimizin qəhrəmanlıqları qarşısında mənəvi borc olduğunu söyləyib, onların xatirəsini hər zaman uca tutduqlarını bildiriblər.

"Aqro-Vest DC" MMC şəhidlərimizə rəhmət, ailə üzvlərinə isə cansağlığı diləyir, onları Novruz bayramı münasibətilə təbrik edir!