Rusiyada Ayın görünməyən tərəfinin nadir fotolarından biri təqdim olunub. Foto 60 il əvvəl “Luna-3” stansiyası tərəfindən çəkilib.
Fotonu və kartoqrafik materialları Rusiya Dövlət Elmi-Texniki Sənədlər Arxivi təqdim edib. Təqdim olunan materiallar arasında “Luna-3” stansiyasının şəkilləri, o cümlədən Ayın digər tərəfinin şəklinin necə çəkilməsi sxemi yer alıb.
Qeyd edək ki, “Luna-3” 1959-cü ilin 4 oktyabrında buraxılıb və 207 günlük uçuş həyata keçirib. Onun vasitəsilə ilk dəfə Ayın görünməyən tərəfinin şəkilləri Yerdən 60-70 min kilometrlik məsafədən çəkilib. Həmin şəkillərin köməyi ilə peykin ilk atlas və xəritəsi tərtib olunub, 1961-ci ildə isə Ayın yenilənmiş qlobusu buraxılıb.
