Xəzər dənizində meyiti tapılan balıqçı ilə bağlı bəzi detallar məlum olub.
Oxu.Az Baku TV-yə istinadən məlumat verir ki, meyit bir müddət əvvəl itkin düşən balıqçılardan biri Nazim Abbasova aiddir.
"Dənizdə işləyərkən onu suyun üzərində gördük, çıxarıb ailəsinə təhvil verdik. Mərhumu öncədən tanımamışam, dənizdə işləyən zaman bir-iki dəfə görmüşdüm", - deyə balıqçı Mais Məmmədov bildirib.
Ətraflı süjetdə:
Xəzər dənizinin Lənkəranın Siyavar kəndinə düşən sahilində meyit aşkarlanıb.
Oxu.Az "Report"a istinadən xəbər verir ki, tapılan meyitin bir müddət əvvəl itkin düşən balıqçılardan biri Nazim Abbasova aid olduğu qeyd olunur.
Qeyd edək ki, yanvarın 14-də balıq tutmaq məqsədilə Lənkəran rayonunun Siyavar kənd sakinləri 1984-cü il təvəllüdlü Mahmud Əbdüləli oğlu İbayev və 1968-ci il təvəllüdlü Nazim Səməd oğlu Abbasov dənizə çıxıblar və itkin düşüblər.
