ABŞ-də ən məşhur universitetlərdən biri milyonlarla dollar qrantdan məhrum edildi

ABŞ Səhiyyə Nazirliyi Harvard Universitetini antisemitizm və irqi ayrı-seçkiliyin (irqi diskriminasiya) öhdəsindən gələ bilmədiyi üçün ümumi məbləği təxminən 60 milyon dollar olan çoxillik bir sıra qrantdan məhrum edib.

Oxu.Az-ın xəbərinə görə, bu barədə qurumun "X" hesabında məlumat verilib.

"Səhiyyə və Sosial Xidmətlər Nazirliyi onların bütün fəaliyyətləri müddətincə ümumi dəyəri təxminən 60 milyon dollar olan çoxillik bir neçə qrantı dayandırır", - deyə paylaşımda bildirilib.

Qeyd edək ki, mayın 13-də ABŞ Prezidenti Donald Trampın Administrasiyası Harvard Universitetinə təqribən 450 milyon dollarlıq qrant ayırmağı dayandırmaq qərarına gəldiyi açıqlamışdı.

Harvard Universitetinin prezidenti Alan Qarber ABŞ prezident administrasiyasını qanunsuzluqda ittiham etmişdi.