İranın İslam İnqilabı Keşikçiləri Korpusu (SEPAH) ABŞ-nin zərbələrinə qətiyyətli cavab verəcəyini bəyan edib.
Oxu.Az bu barədə "Reuters" agentliyinə istinadən xəbər verir.
SEPAH-ın yaydığı açıqlamada bildirilib ki, İran hərbçiləri Sirik şəhəri yaxınlığında hücumun qarşısını alıblar. Həmçinin Tehranın ABŞ-nin zərbələrinə tezliklə cavab verəcəyi barədə xəbərdarlıq edilib.
ABŞ İran ərazisindəki bir sıra hədəflərə zərbələr endirib.
Oxu.Az xəbər verir ki, bu barədə ABŞ Ordusunun Mərkəzi Komandanlığı (CENTCOM) "X" sosial şəbəkəsində məlumat yayıb.
Məlumatda bildirilir ki, ABŞ təyyarələri İranın "M/V Ever" gəmilərinə zərbə endirməsindən sonra İranın raket və pilotsuz uçuş aparatlarının (PUA) saxlanıldığı obyektləri, eləcə də sahil radarlarını hədəfə alıb.
* Kamikadze dron yük gəmisini vurdu: Tramp atəşkəsin pozulduğunu açıqladı - FOTO
"Axios"un jurnalisti Barak Ravid isə "X" platformasında ABŞ ordusunun Hörmüz boğazı bölgəsində də zərbələr endirdiyini yazıb.
Xatırladaq ki, bundan bir neçə saat əvvəl ABŞ Prezidenti Donald Tramp İranı atəşkəs rejimini pozmaqda ittiham etmişdi.
