Daha iki ölkə Venesuelada keçirilən prezident seçkisinin nəticəsini tanımadığını bəyan edib.
Oxu.Az xəbər verir ki, Peru Xarici İşlər Nazirliyinin rəhbəri Xavyer Qonzales açıqlama yayaraq qeyd edib ki, Venesueladakı prezident seçkisi saxtakarlıqlarla müşahidə olunub və Lima Nikolas Maduronun qələbəsini qəbul etmir.
Öz növbəsində Kosta-Rika hökuməti də bəyanatla çıxış edib. Bəyanatda qeyd olunur ki, Kosta-Rika hakimiyyəti Nikolas Maduronun Venesuela prezidenti elan edilməsini qəti şəkildə rədd edir.
Argentina Prezidenti Xavyer Miley Venesuelada keçirilən prezident seçkisində qalib gələn Nikolas Maduronun qələbəsini tanımadığını bəyan edib.
Oxu.Az xəbər verir ki, Xavyer Miley bu barədə özünün "X" hesabında yazıb.
Cənubi Amerikada yerləşən digər ölkə Çili də Venesuelada keçirilən prezident seçkisinin nəticəsini şübhə altına alıb.
Bununla əlaqədar Çili Xarici İşlər Nazirliyi bəyanat dərc edib.
Bəyanatda qeyd olunub ki, Çili yalnız beynəlxalq müşahidəçilərin yekun rəyindən sonra Venesuelada keçirilən seçkinin qalibini təbrik edəcək.
Məlumat üçün əlavə edək ki, iyulun 28-də Venesuelada prezident seçkisi keçirilib. Nikolas Maduro 51.2 faiz səslə üçüncü dəfə Venesuelanın prezidenti seçilib.
